অনুচ্ছেদ-পোন্ধৰ(Article -15)Tapan Payeng Article

অনুচ্ছেদ-পোন্ধৰ(Article -15)

তপন পায়েং

source-Dainandin Barta Assamese news paper

২০১৯ চনত মুক্তি পোৱা বলিউদ চিনেমা অনুচ্ছেদ -১৫,এই চিনেমাত মূখ্য নায়কৰ চৰিত্ৰত অভিনয় কৰিছিল বলিউদৰ চুপাৰষ্টাৰ আয়ুস্মান খুৰানা । অভিনেতা আয়ুস্মান খুৰানাই,তেওঁৰ অভিনয় জীৱনত সমাজলৈ বাৰ্তা দিয়া বহুতো চিনেমাত অভিনয় কৰিছে এই চিনেমাসমুহৰ ভিতৰত বিকি ডনৰ,বালা,ছণ্ডিগড় কে আশিকী,ডম লগা কে এইছা ইত্যাদি । অনুচ্ছেদ-১৫ ত তেওঁ এজন ভাৰতীয় পুলিচ বিষয়া হিচাপে অভিনয় কৰিছে l এই চিনেমাত উত্তৰ প্ৰদেশৰ দলিত কাষ্টৰ শোষণৰ বিষয়ে বৰ্ণনা কৰিছে ,উত্তৰপ্ৰদেশ উচ্চ সম্প্ৰদায়ৰ মানুহে কেনেকৈ এই জাতিৰ বা বৰ্ণ সকলক অৱহেলিত কৰে তাৰ বিষয়ে বৰ্ণনা কৰা হৈছে ।নিষ্পেষিত শোষণৰ বিৰুদ্ধে সম্পুৰ্ণ বাবে বৰ্ননা কৰা কৰা হৈছে এইখন চিনেমাত । প্ৰকৃততে এই অনুচ্ছেদ পোন্ধৰ হৈছে ভাৰতৰ সংবিধানত সন্নিবিষ্ট হৈ থকা ভাৰতীয় নাগৰিকসকলৰ বাবে প্ৰয়োজনীয় মৌলিক অধিকাৰৰ এটা অনুচ্ছেদ । ভাৰতীয় সংবিধানত নাগৰিকৰ বাবে মুঠ অনুচ্ছেদ বাৰৰ পৰা পয়ত্ৰিছ লৈকে মৌলিক অধিকাৰ সমুহ সন্নিবিষ্ট । মৌলিক অধিকাৰ হৈছে ভাৰতীয় নাগৰিকসকলক সমতা,স্বাধীনতা,শোষণ বিৰুদ্ধে ,নিজস্ব বাবে ধৰ্ম গ্ৰহণ কৰা,সাংস্কৃতিক আৰু শিক্ষাৰ লগতে সাংবিধানিক প্ৰতিকাৰ পোৱা আনহাতে ভাৰতীয় নাগৰিকসকলৰ প্ৰতিভা বিকাশ আৰু ব্যক্তিত্ব প্ৰকাশৰ কাৰণে সংবিধানে প্ৰদান কৰা সুযোগ আৰু সুবিধা। ভাৰতীয় সংবিধানত বৰ্তমান মুঠ ছয়টা মৌলিক অধিকাৰ আছে ।ভাৰতীয় সংবিধানে আটাইকেইটা মৌলিক অধিকাৰৰ জৰিয়তে সুবিধাসমুহ প্ৰদান কৰিবলৈ চেষ্টা কৰি আহিছে ।

Tapan Payeng

অনুচ্ছেদ পোন্ধৰতনো কি লিখা আছে ,নাগৰিকসকলক কি অধিকাৰ দিয়া হৈছে ,আঁহকচোন অলপ আলোচনা কৰো । ভাৰতীয় সংবিধানৰ পোন্ধৰ নং অনুচ্ছেদ বা আৰ্টিকুলত উল্লেখ কৰা আছে যে ভাৰতৰ কোনো নাগৰিকসকলৰ লগত ধৰ্ম,বৰ্ণ ,জাতি,নাৰী-পুৰুষ বা জন্মস্থানগত কাৰণত ৰাষ্ট্ৰই কোনো নাগৰিকৰ প্ৰতি পৃথক আচৰণ কৰিব নোৱাৰিব।এই অনুচ্ছেদৰ দ্বাৰা ভাৰতবৰ্ষত বাস কৰা বিভিন্ন সম্প্ৰদায়সমুহৰ মাজত একতা তথা সমতা প্ৰতিষ্টা কৰিব বিচৰা হৈছে । আনহাতে এই ১৫ নং অনুচ্ছেদৰ জৰিয়তে নাৰীসকলৰ বাবে পঞ্চায়তী ব্যৱস্থাত বিশেষ আৰক্ষণৰ ব্যৱস্থা কৰা তদুপৰিওঁ পিছপৰা জনসমুদায়ৰ বাবে বিশেষ চৰকাৰী চাকৰি সংৰক্ষণৰ সুবিধাওঁ সংবিধানে প্ৰদান কৰিছে । কিন্তু সংবিধানৰ এই অধিকাৰে কিমান সফল হ'ব পাৰিছে এইটোৱে চিন্তনীয় কাৰণ,আমি অসমীয়াই সৌভাগ্য যে বৰ্তমান সময়ত এইবোৰ ছবি দেখিবলৈ পোৱা নাই। কিন্তু আমাৰ ভাৰতৰ অন্য ৰাজ্যবোৰত এতিয়াওঁ দেখিবলৈ পোৱা যায় উদাহৰণস্বৰূপে অনুচ্ছেদ -১৫(Article-15) ছবিখনত দেখিবলৈ পোৱা উত্তৰপ্ৰদেশৰ লালচা গাওঁখন জীৱন্ত উদাহৰণ । নিম্ন জাতিয়ে দিয়া খাদ্য বস্তু নাখায়,উচ্চ বৰ্গৰ মানুহৰ মুখে মুখে দলিত বা নিম্ন বৰ্গৰ মানুহে একে শাৰীত বহিব নিদিয়া,এখন সভা বা চিনেমা হ'লত একে শাৰীতে বহিব নিদিয়া অথবা সোমাব নিদিয়া,ইত্যাদি ইত্যাদি॥
শেষত! কওঁ যে আহঁক আমি সকলো ভাৰতীয় নাগৰিক হিচাপে সংবিধানত থকা অধিকাৰবোৰ সমানে সমানে উপভোগ কৰোহঁক ধনী,দুখীয়া,ধৰ্ম-জাতি,পুৰুষ-মহিলা, আদি সকলো পাহৰি ভাৰতীয় হিচাপে চিনাকী দিয়োহঁক ॥